Пасажыр, які ехаў з Польшчы, праглынуў змесціва кашалька пры перасячэнні мяжы
Мужчына на мяжы праглынуў змесціва кашалька / sudexpert.gov.by
Адзін з пасажыраў аўтобуса "Познань-Гомель" пры перасячэнні мяжы праглынуў змесціва свайго кашалька падчас надгляду, паведамляецца на сайце Дзяржкамітэта судовых экспертыз.
Здарэнне адбылося ў пункце пропуску "Варшаўскі мост". Мытнікі выявілі ў заплечніку 31-гадовага мужчыны кашалёк-манетніцу, дзе знаходзілася рэчыва зялёнага колеру. Мужчына праглынуў гэтае рэчыва, але яго часцінкі засталіся на сценках кашалька.
Хімічны аналіз паказаў, што гэта быў псіхатроп — тэтрагідраканабінол. Акрамя таго ў сумцы мужчыны знайшлі фрагменты гашышу.
На яго пачалі крымінальную справу.
