Памежнікі затрымалі беларуску, якая везла з Літвы гарбату з каноплямі
![Гарбата, канфіскаваная на мяжы / gpk.gov.by](/sites/default/files/styles/gallery_main/public/2023-08/harbata-1408-1.jpg.webp?itok=9EogmHlB)
Гарбата, канфіскаваная на мяжы / gpk.gov.by
Беларускія памежнікі затрымалі жанчыну з травяной гарбатай. Інцыдэнт здарыўся 11 жніўня ў пункце пропуску "Лоша", паведамляе прэс-служба Дзяржаўнага памежнага камітэта.
Беларуска ехала з Літвы на аўтамабілі. Падчас агляду багажніка службовы сабака выявіў упакоўку гарбаты, у складзе якой ёсць каноплі. Жанчына патлумачыла, што купіла ўпакоўку травяной гарбаты на тэрыторыі Літвы.
Цяпер за незаконнае абарачэнне наркатычных сродкаў ёй пагражае да пяці гадоў пазбаўлення волі.
![Памежнікі затрымалі беларуску, якая везла з Літвы гарбату з каноплямі](/sites/default/files/styles/default_image_paragraph/public/paragraphs/image/harbata-1408-2.jpg.webp?itok=4TEvxhQZ)
Гарбата, канфіскаваная на мяжы / gpk.gov.by
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.