Памёр вядомы гродзенскі мастак Зміцер Іваноўскі
Пра гэта ў сацыяльных сетках паведаміў журналіст Андрэй Пачобут.
"Знакаміты мастак. Шчыры, адкрыты і адважны чалавек. Я заўсёды ганарыўся сяброўствам з ім. Бачыў Дзіму і на выставах і на мітынгах і на "сутках". І паўсюль ён паводзіў сябе прыстойна і натуральна. Паўсюль яго паважалі", — напісаў пра Іваноўскага Пачобут.
Зміцер Іваноўскі, сапраўды, вядомы не толькі як творца, але як і грамадскі дзеяч, які ўдзельнічаў у акцыях пратэсту, трапляў за краты. Пра яго пісалі гродзенцы так: "Чалавек-змагар, чалавек-дабрыня, чалавек-ахвяра і… чалавек-мастак".
Фота — uzv-hrodna.blogspot.com
