Памёр Санта-Клаўс з рэкламы Сoca-Cola
На 87-м годзе пайшоў з жыцця брытанец Джон Мур, вядомы ўсяму свету як добры Санта з рэкламы кампаніі Coca-Cola.
Пра гэта паведамляюць замежныя інфармагенцтвы.
Санту пахавалі ў мястэчку Бэрджэс-Хіл графства Сасэкс. Даніну павагі прыйшлі аддаць тысячы людзей. У Бэрджэс-Хіл Мур шмат разоў праводзіў дабрачынныя вечарыны ў касцюме каляднага героя. Адметна, што ён не быў прафесійным акцёрам і падпрацоўваў кіроўцам таксоўкі, а таксама бармэнам у пабе.
Кампанія Coca-Cola пачала выкарыстоўваць Санта-Клаўса для рэкламы сваёй прадукцыі ў 1930-я гады. Мур быў тварам кампаніі цягам некалькіх дзясяткаў гадоў.
