Памежны камітэт Беларусі абверг збор грошай для дапамогі памежнікам
![На мяжы / @gpkgovby](/sites/default/files/styles/gallery_main/public/2023-08/pogran_30_01.jpg.webp?itok=3ad9-fph)
На мяжы / @gpkgovby
Дзяржаўны памежны камітэт Беларусі абверг інфармацыю аб зборы сродкаў для памежнікаў.
Раней адно з незалежных медыа паведаміла, што яго чытачы-карыстальнікі "Космас-ТБ" сталі атрымліваць СМС ад правайдэра. У паведамленні быў заклік "палегчыць умовы службы" памежнікам і перавесці ім грошы. Быў таксама пазначаны рахунак фонду, на які можна было пералічыць сродкі.
Разліковы рахунак — сапраўдны, адзначылі ў ДПК. Але "ведамства не мае ніякага дачынення да якіх-небудзь дабрачынных фондаў і не звярталася з просьбай пераліку грашовых сродкаў". У сувязі з гэтым памежнікі папрасілі грамадзян "не пераводзіць грошы на названыя рахункі".
Абверглі дачыненне да СМС-рассылкі і ў "Космас-ТБ". Там заявілі, што прадпрыемства "да дадзенай рассылкі дачынення не мае".
Варта адзначыць, што кампанію "Космас-ТБ" ўзначальвае генерал-лейтэнант Вадзім Зайцаў. Раней ён займаў пасаду кіраўніка КДБ Беларусі, а да гэтага працаваў як раз у Дзяржпамежкамітэце.
![Погранкомитет Беларуси опроверг сбор денег для помощи пограничникам](/sites/default/files/paragraphs/image/kosmos3001.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.