Памерла беларуская тэлевядучая Ірына Смольская
Ірына Смольская / ctv.by
Ва ўзросце 51 года памерла тэлевядучая Ірына Смольская. Аб гэтым паведамляюць яе сябры ў сацыяльных сетках.
Смольская пачала працаваць на тэлебачанні з пачатку 1990-х: спачатку як дыктар навін. Пасля яна стала вядучай праграм “Добрай раніцы, Беларусь”, “Песню бярыце з сабою”, “Вiншуем Вас!”. З сярэдзіны нулявых працавала на канале СТВ.
Прычыны смерці не называюцца. Па папярэдняй інфармацыі, у Смольскай былі праблемы з сэрцам.
