Палітык-гей упершыню стаў мэрам гораду ў Польшчы
Палітык Роберт Бедронь, які не хавае сваёй сэксуальнай арыентацыі, афіцыйна прыняў пасаду гарадскога галавы ў польскім Слупску.
Пасля цырымоніі ў гарадской ратушы Бедронь заявіў, што традыцыйна каталіцкай Польшча працягне “адкрывацца”.
Ён прызнаў, што яго абранне магло справакаваць негатыўную рэакцыю ў краіне, якая застаецца “монакультурнай і монарэлігійнай”, але падкрэсліў, што змены непазбежныя, перадае ВВС са спасылкай на еўрапейскія СМІ.
38-гадовы Бедронь з’яўляецца сябрам невялікай левай партыі, аднак балатаваўся як незалежны кандыдат. Са слоганам “Нарэшце перамены” ён абышоў кандыдата ад кіруючай цэнтрысцкай “Грамадзянскай платформы” ў другім туры.
