Палітвязня Уладзіміра Гундара зноў змясцілі ў карцар
![Палітвязня Уладзіміра Гундара зноў змясцілі ў карцар](/sites/default/files/styles/gallery_main/public/2023-08/24b6f53d0e8d58f33a2a2d24d5f6a178.jpg.webp?itok=jfVmyJ5R)
Палітвязня Уладзіміра Гундара, фігуранта "справы Аўтуховіча", зноў змясцілі ў карцар. На гэты раз за тое, што на праверках ён адмаўляецца прызнаваць сябе "схільным да экстрэмізму". Яго жонка Алена кажа, што ў карцары Гундар прабудзе 6 сутак. Аб'яўляць галадоўку ён не збіраўся.
Раней Уладзімір Гундар 11 сутак трымаў сухую галадоўку — пратэставаў супраць здзекаў. Ён мае другую групу інваліднасці, а ў канцы чэрвеня яго падчас суда змясцілі ў клетку ў адных майтках, рукі прыкулі кайданкамі да кратаў.
11 ліпеня сухую галадоўку аб'явіў Мікалай Аўтуховіч. У панядзелак яго не было на судзе, стан яго здароўя невядомы.
Суд "па справе Аўтуховіча" ідзе з 18 траўня ў будынку гродзенскай турмы №1. Па справе праходзяць 12 чалавек. Паводле версіі следства, Мікалай Аўтуховіч быў арганізатарам і кіраўніком групы, якая падпальвала аўтамабілі і дамы сілавікоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.