Палітвязня Андрэя Папова асудзілі на пяць гадоў калоніі ўзмоцненага рэжыму
![Палітвязня Андрэя Папова асудзілі на пяць гадоў калоніі ўзмоцненага рэжыму](/sites/default/files/styles/gallery_main/public/2023-08/andrei_popov_photo_2.jpg.webp?itok=zgy_hUZc)
Палітвязня Андрэя Папова асудзілі на пяць гадоў калоніі ўзмоцненага рэжыму за ўдзел у "масавых беспарадках". Ён абавязаны выплаціць больш за 1220 рублёў выдаткаў, паведамляе spring96.org. Крымінальную справу Папова разглядаў суд Заводскага раёна Мінска, суддзя — Анжэла Касцюкевіч.
Андрэй Папоў удзельнічаў у акцыі пратэсту 9 жніўня супраць фальсіфікацыі вынікаў прэзідэнцкіх выбараў, быў затрыманы, правёў трое сутак за кратамі. 1 верасня яго затрымалі ўжо як фігуранта крымінальнай справы аб удзеле ў "масавых беспарадках". Сваёй віны Папоў не прызнаў, заявіў, што выходзіў на мірны пратэст. Яго спачатку хацелі прыцягнуць да адказнасці за гвалт у дачыненні сілавіка, асобу якога не высветлілі, але адмовіліся ад такой ідэі.
У Беларусі больш за 250 палітвязняў і іх колькасць павялічваецца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.