Палітвязень Цурпанаў у віцебскай калоніі трапіў у штрафны ізалятар
Палітвязень Валадар Цурпанаў, які адбывае пакаранне ў папраўчай калоніі №3 "Віцьба", змешчаны ў штрафны ізалятар (ШІЗА). Як доўга ён там знаходзіцца, праваабаронцы не ведаюць.
Сям'я ўжо каля двух месяцаў не мае сувязі з Цурпанавым — ні тэлефонных званкоў, ні лістоў.
У верасні палітвязня пазбавілі працяглага спаткання з жонкай. У лістападзе выявілася, што яму перадаюць лісты толькі ад жонкі.
Магілёўскі актывіст асуджаны на два гады калоніі агульнага рэжыму. Перад тым яму прысудзілі тры гады "хіміі" — за абразы суддзяў. З "хіміі" ў калонію Цурпанава перавялі, абвінаваціўшы ў парушэнні ўнутранага парадку падчас адбывання пакарання.
