Палітвязень Аляксандр Фядута трапіў у турэмную лякарню
Аляксандр Фядута / Еўрарадыё, архіўнае фота
Амаль адразу пасля пераводу ў магілёўскую калонію палітвязень Аляксандр Фядута трапіў у турэмную лякарню, піша "Наша Ніва".
У Фядуты абвастрыліся праблемы з сэрцам, з'явіліся ацёкі.
Дарэчы, і да арышту ў Фядуты былі моцныя праблемы са здароўем.
Жонка Фядуты паведаміла Sputnik, што гэта планавая шпіталізацыя.
Яго асудзілі да 10 гадоў зняволення па "справе змоўшчыкаў". Фядуту разам з Юрасём Зянковічам і Рыгорам Кастусёвым звінавацілі ў спробе зрынуць рэжым Аляксандра Лукашэнкі.
Праваабаронцы прызналі ўсіх асуджаных пагэтай справе палітвязнямі. Саму справу яны палічылі справакаванай і сфальсіфікаванай.
