Паказаць вольную Беларусь — у Мюнхене пройдзе фестываль беларускай культуры
![Фестываль беларускай культуры ў Мюнхене пройдзе з 9 па 11 верасня / facebook.com/minskminga](/sites/default/files/styles/gallery_main/public/2023-08/minsk_2_09.jpg.webp?itok=3L4eXAb-)
Фестываль беларускай культуры ў Мюнхене пройдзе з 9 па 11 верасня / facebook.com/minskminga
Фестываль сучаснай беларускай культуры Minsk x Mingа ўпершыню пройдзе на наступным тыдні ў Мюнхене. Ідэя фестывалю была ў тым, каб расказаць жыхарам Баварыі пра Беларусь і паказаць "свабодную Беларусь, якая працягвае жыць нягледзячы на рэпрэсіі", гавораць арганізатары — Беларускае грамадскае культурнае аб'яднанне RAZAM e.V.
У праграме фестывалю канцэрты, кіна- і тэатральныя паказы. Запланаваныя выступы Маргарыты Ляўчук, Паліны Рэспублікі і Kriwi, паказы фільмаў Аляксея Палуяна і Андрэя Куцілы, тэатральны перформанс Ігара Шугалеева аб катаваннях у беларускіх турмах, выстава партрэтаў палітвязняў мастачкі Ксішы Ангелавай, DJ-сэт Папы Бо. Запланаваная таксама панэльная дыскусія аб актуальнай сітуацыі ў беларускай культуры і грамадстве. Удзел у ёй возьмуць палітыкі і грамадскія дзеячы з Беларусі і Германіі.
Фестываль пройдзе з 9 па 11 верасня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.