Падаткавікі шукаюць недобрасумленных фермераў праз квадракоптары
Падатковая Брэсцкай вобласці выявіла фермера, які плаціў сваім супрацоўнікам заробкі ў "канвертах". У гэтым падаткавікам дапамог квадракоптар.
Як паведамляе прэс-служба міністэрства па падатках і зборах, супрацоўнікі падатковай звярнулі ўвагу на тое, што адна з фермерскіх гаспадарак выдаткоўвае больш прадукцыі, чым гэта магчыма пры пэўнай колькасці работнікаў. Яны запусцілі квадракоптар і з яго дапамогай сталі сачыць за парнікамі фермера і колькасцю людзей, якія там працуюць.
"Факт прыцягнення да прац грамадзян без афармлення з імі працоўных адносін пацвердзіўся ў працэсе відэафіксацыі парнікоў з дапамогай квадракоптара. Устаноўлены арганізатар, яго спосабы і метады прыцягнення рабочай сілы ў абыход выплаты падаходнага падатку і ўзносаў у Фонд сацыяльнай абароны насельніцтва", — паведамляе ведамства.
Фермера ў выніку аштрафавалі, а сама гаспадарка заплаціла ў бюджэт краіны падаткі за выдадзеныя ў "канверце" заробкі.
