Пад Магілёвам на аўтамабіль зваліўся 500-кілаграмовы лось (фота)
У здарэнні на аўтадарозе Магілёў — Гомель пацярпеў адзін чалавек, лось загінуў.
У другой палове дня 6 студзеня на аўтадарозе Магілёў — Гомель каля пасёлка Мірны адбылося дарожна-транспартнае здарэнне. На дарогу з лесу выбег лось і трапіў пад легкавік. Ад ўдару жывёлу адкінула на сустрэчную паласу, дзе ён зваліўся на аўтамабіль Ford Escort. Кіроўца апошняга атрымаў траўмы і быў шпіталізаваны. Жывёла загінула. Абодва аўтамабілі былі моцна пашкоджаны, інфармуе прэс-служба МНС.
Фота: МНС
