Па Магілёўскай вобласці пранёсся ўраган
![Вецер лёгка зносіў дрэвы](/sites/default/files/styles/gallery_main/public/2024-07/photo_2024-07-13_13-06-50.jpg.webp?itok=663aiTzo)
Вецер лёгка зносіў дрэвы / Onliner
Па Магілёўскай вобласці ўвечары 12 ліпеня пранёсся ўраган, паведамляе Onliner са спасылкай на чытачоў. Моцна дасталася Мсціслаўскаму раёну: стыхія лёгка валіла дрэвы, былі пашкоджаныя лініі электраперадач. Ратавальнікі адгукнуліся хутка, каб мясцовыя жыхары не сядзелі без святла.
![По Могилевской области пронесся ураган](/sites/default/files/styles/default_image_paragraph/public/paragraphs/image/photo_2024-07-13_13-06-49.jpg.webp?itok=4lsIeIKp)
За дзень да гэтага непагадзь пранеслася па Гродненскай вобласці — у выніку былі абясточаныя 66 населеных пунктаў, а ў Лідзе праз удар маланкі гарэў будынак склада.
Асабліва моцныя навальніцы з'яўляюцца праз нетыповую спёку, якая прыйшла ў Беларусь у апошнія дні. У суботу 13 ліпеня ў Жыткавічах была зарэгістраваная тэмпература вышэй +37,6 — гэта амаль абсалютны рэкорд за ўвесь час назіранняў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.