Па БТ назвалі імя "гродзенскага тэрарыста" — у яго былі дакументы РФ

Так выглядае "гродзенскі дыверсант" у сюжэце БТ / кадр з відэа
Так выглядае "гродзенскі дыверсант" у сюжэце БТ / кадр з відэа

21 сакавіка па БТ паказалі сюжэт пра забітага сілавікамі "гродзенскага дыверсанта" і нават момант штурму кватэры: ад выбуху выляталі шыбы.

Паведамляецца, што "гродзенскі тэрарыст" паводле дакументаў быў грамадзянінам РФ Аляксеем Мікалавічам Ламакіным, 1981 года нараджэння. Але гэтыя дакументы, нібыта, былі фальшывыя.

Сілавікі ў тэлесюжэце расказалі, што "гродзенскі дыверсант" быў паранены пры затрыманні і памёр па дарозе ў лякарню. Раней паведамлялася, што ён быў "ліквідаваны" падчас затрымання.

Як распавядала Еўрарадыё, 19 сакавіка КДБ заявіла, што група "Альфа" ліквідавала ў Гродне замежніка, які пранік у Беларусь з мэтай правесці тэрарыстычную акцыю. Пры гэтым замежнік адстрэльваўся ад спецназаўцаў і выкарыстоўваў баявыя гранаты.

Flowers Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі