Нямеччына памятае пра Грунвальд
Нямеччына
фінансуе ў Калінінградзе работы па аднаўленні фігуры сцяжнога Тэўтонскага ордэну ў Грунвальдскай бітве. Яе ўсталююць на
фасадзе Фрыдланскай брамы.
Арыгінал фігуры бясследна знік у пасляваенныя гады.
Копію вырабяць з спецыяльнага матэрыялу, ідэнтычнага каменю. Нямецкі бок
выдзеліць на аднаўленчыя працы каля 50 тысяч еўра, інфармуе «Інтэрфакс».
Нагадаем, што ў 1410 годзе аб’яднаныя войскі Вялікага княства Літоўскага і
Польшчы разграмілі пад Грунвальдам узброеныя сілы Тэўтонскага ордэну. Такім чынам была спыненая нямецкая экспансія
на ўсход. Пасля заканчэння Другой сусветнай вайны Калінінград (былы Кёнігсберг) увайшоў у склад Расійскай Федэрацыі.