Не менш за 20 выпадкаў, калі беларусаў не ўпусцілі ў Беларусь — BYPOL

"Нейкія да яго асобы падазрэнні ўзнікаюць, і прымаецца рашэнне не пускаць яго ў Беларусь" / vk.com/gpkgovby
"Нейкія да яго асобы падазрэнні ўзнікаюць, і прымаецца рашэнне не пускаць яго ў Беларусь" / vk.com/gpkgovby

Апошнім часам на межах Беларусі ўзмоцнены кантроль, некаторых людзей, якія вяртаюцца на радзіму, затрымліваюць. Але вядома і пра не менш за 20 выпадкаў, калі беларусаў не ўпусцілі ў Беларусь. Пра гэта "Зеркалу" распавёў прэс-сакратар BYPOL Аляксандр Кабанаў.

"Шмат сітуацый, калі чалавеку прад'явіць і няма чаго, але нейкія да яго асобы падазрэнні ўзнікаюць, і прымаецца рашэнне не пускаць яго ў Беларусь. Прычын не тлумачаць, — кажа Кабанаў. — Уся інфармацыя прыходзіць нам у чат-боты, калі, напрыклад, хтосьці на мяжы назірае, як чалавека абшукваюць, адводзяць кудысьці, а праз час яго машыну разварочваюць. Ёсць і тыя, хто сам нам пісаў, што правяралі пашпарт, глядзелі нейкую базу звестак, а пасля апытання не пусцілі ў краіну".

Канкрэтных прыкладаў прадстаўнік BYPOL не прыводзіць. Ён мяркуе, што прычынай праверак, затрыманняў і адмоваў ва ўездзе на мяжы з'яўляецца спроба не прапусціць "дыверсантаў", пра якіх кажуць і прадстаўнікі рэжыму, і прапаганда. Пры гэтым сілавікі на мяжы працуюць не сістэмна, адзначае Аляксандр Кабанаў. Паводле яго слоў, яны яшчэ не прызвычаіліся да такой працы ("фільтрацыі").

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі