Не эвакуацыя, а крадзеж. Некалькі дзясяткаў украінцаў вывезлі ў Беларусь
Вайна ва Украіне / твітар
Некалькі дзясяткаў украінцаў з акупаваных Іванкава і Гастомеля вывезлі ў Беларусь. Каб родныя маглі з імі звязацца, украінскія валанцёры апублікавалі спісы з іх прозвішчамі ў сацыяльных сетках. Паводле інфармацыі актывістаў, гэтых людзей пасялілі ў санаторый "Чонкі" ў Гомельскай вобласці.
У санаторыі Еўрарадыё пацвердзілі, што ўкраінцы ў іх спыніліся.
"Пра тое, наколькі іх шмат, я сказаць не магу, таму што працую з кабінета, — расказвае супрацоўніца ўстановы. — Ведаю, што санаторый спраўляецца з наплывам наведвальнікаў. Людзі заязджаюць, некаторыя едуць далей... часткамі — то больш, то менш".
Па словах суразмоўніцы, жыллём і ежай госці санаторыя забяспечаныя.
"Чырвоны Крыж арганізаваў гуманітарную дапамогу. Да нас прыносілі шмат адзення і прадуктаў харчавання, раздавалі смачнёнікі. Людзі ходзяць, усё добра".
