Не дазволілі пікет да ўгодкаў прыняцця Дэкларацыі аб незалежнасці Беларусі
Баранавіцкія ўлады палічылі, што арганізатары не выканалі ўмоваў заканадаўства аб правядзенні масавых мерапрыемстваў.
Па словах аднаго з арганізатараў пікета Сяргея Гоўшы, падаючы заяўку на пікет, яны хацелі нагадаць жыхарам горада, што 27 ліпеня 1990 года Вярхоўны Савет БССР прыняў Дэкларацыю аб дзяржаўным суверэнітэце БССР. "Цяпер пра гэтую дату мала згадваюць, а Дзень Незалежнасці перанеслі на іншы дзень", — цытуе словы Гоўшы Intex-press.
Падпісанты збіраюцца звярнуцца пісьмова ў Баранавіцкі гарвыканкам з просьбай, каб ім патлумачылі іх памылкі пры падачы заявы.
