Названая прычына смерці лідара "Король и шут" Міхаіла Гаршанёва
Музыка памёр ад сардэчнага прыступа на фоне злоўжывання спіртным і наркотыкамі.
Следчы камітэт Санкт-Пецярбурга скончыў праверку па факце смерці лідара гурта "Король и шут" Міхаіла Гаршанёва. Судова-медыцынская экспертыза ўстанавіла, што музыка памёр "ад таксічнай кардыёміапатыі з развіццём вострай міакардыяльнай недастатковасці на фоне ўжывання алкагольных напояў ды наркатычнага рэчыва, марфіна".
Сардэчны прыступ на фоне злоўжывання спіртным і наркотыкамі аўтаматычна адмаўляе узбуджэнне крымінальнай справы, удакладняецца ў паведамленні следчага камітэта.
Нагадаем, Міхаіл Гаршанёў памёр ноччу на 19 чэрвеня ў сваім доме ў Пецярбургу. Днямі стала вядома, што ў Мінску будзе ўсталяваны памятны камень музыку. Прыхільнікі "Король и шут" атрымалі на гэта дазвол Мінгарвыканкама.
Фота: bnp.by
