Найлепшы трэнер Беларусі ўзначаліў мазырскую "Славію"

Іван Біёнчык стаў галоўным трэнерам футбольнага клуба "Славія". Пра гэта паведамляе прэс-служба мазырчукоў.

У мінулым сезоне Біёнчык быў прызнаны найлепшым футбольным трэнерам Беларусі і найлепшым трэнерам вышэйшай лігі. Пад яго кіраўніцтвам "Гомель" па выніках сезону заняў чацвёртае месца ў турнірнай табліцы (пасля выхаду з першай лігі).

Але пасля такога паспяховага выніку клуб развітаўся з трэнерам. Ад снежня 2021-га Біёнчык узначальваў ФК "Шахцёр", адкуль сышоў у красавіку 2022 года.

"Славія", якую ён узначаліў, цяпер займае 10-е месца ў табліцы вышэйшай лігі.