Найбольш горача ў аўторак будзе па паўднёвым захадзе Беларусі

У сувязі са спёкай сіноптыкі абвясцілі аранжавы ўзровень небяспекі па паўднёвым захадзе краіны. Пра гэта агенцтву БЕЛТА распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Чакаецца пераменная воблачнасць. У асобных раёнах, пераважна па паўднёвым захадзе краіны, пройдуць кароткачасовыя дажджы, навальніцы. Уначы і зранку месцамі прагназуецца слабы туман. Вецер будзе ўсходні 4-9 метраў за секунду, пры навальніцах прагназуюцца парывы да 14 метраў за секунду.

Уначы слупок тэрмометра пакажа +14...+20 градусаў, удзень ён падымецца да 24-30 градусаў цяпла.