Навошта беларусу бясплатная віза ў Венесуэлу?
Дабірацца да Каракаса трэба з дзвюма перасадкамі, а за квіток трэба
заплаціць 1058 долараў. Акрамя таго, трэба будзе пачаць рабіць прышчэпкі за
паўтара года, заплаціўшы за гэта 200 долараў Ужо праз паўгода для беларусаў, дзякуючы сяброўскім
адносінам нашай краіны з Венесуэлай, адменяць візы ў краіну Уга Чавеса. Канешне,
калі кудысьці не трэба візы – гэта добра і з’яўляецца сапраўдным аргументам пры
выбары месца адпачынку ці турызму. Аднак Еўрарадыё вырашыла разабрацца, ці
будзе адмена візаў у Венесуэлу вырашальным аргументам для вандроўкі ў гэтую
краіну.
На гэты момант, як патлумачылі Еўрарадыё ў амбасадзе Баліварыянскай рэспублікі, турыстычная віза для беларусаў каштуе 30 долараў:
“Турыстычная віза каштуе 30 долараў. У кожным выпадку турыстычная віза вельмі індывідуальная, як правіла, афармленне займае тыдзень”.
Аднак віза і дакументы – гэта толькі першы крок на шляху ў краіну вадаспадаў. Да самой Венесуэлы яшчэ трэба дабрацца. Да Каракаса, сталіцы радзімы Балівара, можна толькі даляцець. Да таго ж, і не адным самалётам. Кампанія “Белавія” прапануе вылет з Мінску, з дзвюма перасадкамі ў Еўропе:
“Толькі з дзвюма перасадкамі, будзе дастаткова дарагі варыянт. Мінск-Вена, Вена-Мілан, Мілан-Каракас. 1058 долараў – такі кошт квітка ў два бакі. Можна ляцець і праз Парыж, але танней гэта не будзе, да таго ж дзве перасадкі ў любым выпадку. Калі вы леціцё транзітам, то, не выходзячы з транзітнай зоны, віза ў краіну перасадак вам не трэба”.
Затое ў Венесуэле насамрэч ёсць на што паглядзець! Па-першае, гэта самы высокі вадаспад у свеце – Анхель, вышыня якога ў 10 разоў больш за Ніягарскі. У самім Каракасе варта паглядзець не толькі саборы часоў канкістадораў, але і Пантэон-Насьональ – дом, дзе нарадзіўся легендарны Сімон Балівар. Да таго ж, побач, на Пласа-Балівар, знаходзіцца месца пахавання самаго рэвалюцыянера.
Найбольш папулярным месцам для адпачынку з’яўляецца Ісла-дэ-Маргарыта. Невялічкая выспа непадалёк ад венесуэльскага ўзбярэжжа – месца паломніцтва для турыстаў. Кошты ў гатэлях прыкладна як і ў еўрапейскіх сталіцах – за суткі прыйдзецца выкласці каля 70 еўра за трохзоркавы нумар на аднаго.
Аднак перад тым, як адправіцца гуляць да венесуэльскіх вадаспадаў, абавязкова трэба зрабіць некалькі прышчэпак. Самая распаўсюджаная вірусная хвароба ў Лацінскай Амерыцы – жоўтая ліхаманка. Прышчапіцца можна толькі ў 19-й мінскай паліклініцы, прычым бясплатна:
“Ад жоўтай ліхаманкі, калі вы жыхар Беларусі, то бясплатна. Трэба мець пры сабе даведку ад тэрапеўта, што вы здаровыя”.
Як расказалі Еўрарадыё ў медыцынскім цэнтры “ЛОДЭ”, для вандроўкі ў Венесуэлу неабходна зрабіць яшчэ прышчэпкі ад двух відаў гепатыту, прычым за паўтара года:
“З таго, што вам можа спатрэбіцца, – гепатыт А і гепатыт В. Неабходна прышчэплівацца па схеме: паўторна гепатыт А праз 6 і 12 месяцаў, пасля першай прышчэпкі. Ад гепатыта В – праз месяц і праз 6 месяцаў пасля другой прышчэпкі. Толькі пасля гэтага выпрацоўваюцца антыцелы. Адна прышчэпка ад гепатыту А каштуе 94 тысячы рублёў, ад гепатыту В – 33 000”.
Калі падлічыць, то на прышчэпкі ад усіх спецыфічных хваробаў Венесуэлы неабходна прамарнаваць паўтара года. Яшчэ і заплаціць прыкладна 200 долараў…
Дарэчы, сёння турыстычных тураў у Венесуэлу для беларусаў увогуле няма. Гаворыць Наталля, супрацоўніца кампаніі “Белінтурыст”:
“У нас дакладна ніхто арганізацыяй такіх тураў не займаецца”.
Атрымліваецца, што калі вы ўсё ж такі вырашылі наведаць краіну Балівара і Уга Чавеса, падрыхтуйцеся за паўтара года – гэта з прышчэпкамі. І пачынайце прыкладна ў гэты ж час назапашваць грошы: акрамя пералёту коштам 1058 долараў, разлічвайце на еўрапейскія кошты – з разліку 100-150 еўра на дзень – гэта аплата гатэля, ежы і экскурсій.
На гэты момант, як патлумачылі Еўрарадыё ў амбасадзе Баліварыянскай рэспублікі, турыстычная віза для беларусаў каштуе 30 долараў:
“Турыстычная віза каштуе 30 долараў. У кожным выпадку турыстычная віза вельмі індывідуальная, як правіла, афармленне займае тыдзень”.
Аднак віза і дакументы – гэта толькі першы крок на шляху ў краіну вадаспадаў. Да самой Венесуэлы яшчэ трэба дабрацца. Да Каракаса, сталіцы радзімы Балівара, можна толькі даляцець. Да таго ж, і не адным самалётам. Кампанія “Белавія” прапануе вылет з Мінску, з дзвюма перасадкамі ў Еўропе:
“Толькі з дзвюма перасадкамі, будзе дастаткова дарагі варыянт. Мінск-Вена, Вена-Мілан, Мілан-Каракас. 1058 долараў – такі кошт квітка ў два бакі. Можна ляцець і праз Парыж, але танней гэта не будзе, да таго ж дзве перасадкі ў любым выпадку. Калі вы леціцё транзітам, то, не выходзячы з транзітнай зоны, віза ў краіну перасадак вам не трэба”.
Затое ў Венесуэле насамрэч ёсць на што паглядзець! Па-першае, гэта самы высокі вадаспад у свеце – Анхель, вышыня якога ў 10 разоў больш за Ніягарскі. У самім Каракасе варта паглядзець не толькі саборы часоў канкістадораў, але і Пантэон-Насьональ – дом, дзе нарадзіўся легендарны Сімон Балівар. Да таго ж, побач, на Пласа-Балівар, знаходзіцца месца пахавання самаго рэвалюцыянера.
Найбольш папулярным месцам для адпачынку з’яўляецца Ісла-дэ-Маргарыта. Невялічкая выспа непадалёк ад венесуэльскага ўзбярэжжа – месца паломніцтва для турыстаў. Кошты ў гатэлях прыкладна як і ў еўрапейскіх сталіцах – за суткі прыйдзецца выкласці каля 70 еўра за трохзоркавы нумар на аднаго.
Аднак перад тым, як адправіцца гуляць да венесуэльскіх вадаспадаў, абавязкова трэба зрабіць некалькі прышчэпак. Самая распаўсюджаная вірусная хвароба ў Лацінскай Амерыцы – жоўтая ліхаманка. Прышчапіцца можна толькі ў 19-й мінскай паліклініцы, прычым бясплатна:
“Ад жоўтай ліхаманкі, калі вы жыхар Беларусі, то бясплатна. Трэба мець пры сабе даведку ад тэрапеўта, што вы здаровыя”.
Як расказалі Еўрарадыё ў медыцынскім цэнтры “ЛОДЭ”, для вандроўкі ў Венесуэлу неабходна зрабіць яшчэ прышчэпкі ад двух відаў гепатыту, прычым за паўтара года:
“З таго, што вам можа спатрэбіцца, – гепатыт А і гепатыт В. Неабходна прышчэплівацца па схеме: паўторна гепатыт А праз 6 і 12 месяцаў, пасля першай прышчэпкі. Ад гепатыта В – праз месяц і праз 6 месяцаў пасля другой прышчэпкі. Толькі пасля гэтага выпрацоўваюцца антыцелы. Адна прышчэпка ад гепатыту А каштуе 94 тысячы рублёў, ад гепатыту В – 33 000”.
Калі падлічыць, то на прышчэпкі ад усіх спецыфічных хваробаў Венесуэлы неабходна прамарнаваць паўтара года. Яшчэ і заплаціць прыкладна 200 долараў…
Дарэчы, сёння турыстычных тураў у Венесуэлу для беларусаў увогуле няма. Гаворыць Наталля, супрацоўніца кампаніі “Белінтурыст”:
“У нас дакладна ніхто арганізацыяй такіх тураў не займаецца”.
Атрымліваецца, што калі вы ўсё ж такі вырашылі наведаць краіну Балівара і Уга Чавеса, падрыхтуйцеся за паўтара года – гэта з прышчэпкамі. І пачынайце прыкладна ў гэты ж час назапашваць грошы: акрамя пералёту коштам 1058 долараў, разлічвайце на еўрапейскія кошты – з разліку 100-150 еўра на дзень – гэта аплата гатэля, ежы і экскурсій.
