Naviband: Мы змаглі даказаць многім, што ў беларускай мове ёсць сіла

“Мы змаглі даказаць многім, што ў беларускай мове ёсць сіла”, — кажуць Ксенія Жук і Арцём Лук’яненка, удзельнікі гурта Naviband. Прадстаўнікі Беларусі на міжнародным конкурсе песні “Еўрабачанне-2017” у Кіеве пракаментавалі свой выхад у фінал. Упершыню на сцэне “Еўрабачання” прагучала песня на беларускай мове і Naviband паспяхова выступілі ў другім паўфінале.

“Мы ні на што не разлічваем у фінале. Але гэтак жа выйдзем і будзем атрымліваць задавальненне”, — кажуць шчаслівыя Ксенія і Арцём. Фінал пройдзе ў суботу, 13 траўня.