"Нашаніўцаў" Ягора Марціновіча і Андрэя Скурко пакінулі пад вартай яшчэ на месяц
Два супрацоўнікі "Нашай Нівы", галоўны рэдактар Ягор Марціновіч і кіраўнік аддзела рэкламы і маркетынга Андрэй Скурко, правядуць у турме яшчэ адзін месяц — ім працягнулі тэрмін утрымання пад вартай, паведамляе "Наша Ніва".
Марціновіч і Скурко ўжо два месяцы адбылі ў СІЗА. Следчы камітэт пакуль не змог скончыць расследаванне, таму мера ўтрымання працягнутая. Па словах "нашаніўцаў", ніякія следчыя дзеянні з імі за гэты час не праводзіліся.
Марціновіча і Скурко абвінавачваюць у "нанясенні маёмаснай шкоды без прыкметаў раскрадання групай асобаў" (ч. 2 арт. 216 КК) у памеры 3,5 тысячы рублёў.
Абодва "нашаніўцы" прызнаныя палітвязнямі.
