Намеснік Мілінкевіча можа стаць кандыдатам у "адзіныя"
З'явіліся звесткі, што рух "За Свабоду" хоча вылучыць у "адзіныя кандыдаты" палітолага Алеся Лагвінца — намесніка старшыні гэтай арганізацыі.
Інфармацыю абнародаваў журналіст Барыс Гарэцкі ў сваім фэйсбуку.
Аднак сам Алесь Лагвінец у каментары Еўрарадыё абверг гэтыя звесткі:
Лагвінец: "Я пакуль не ведаю пра такое рашэнне руху "За Свабоду". Такога рашэння няма".
Разам з тым Лагвінец заяўляе, што рух "За Свабоду" разглядае розныя варыянты адзінага апазіцыйнага кандыдата. Галоўнае, каб гэта быў праеўрапейскі прабеларускі кандыдат, які выступае за дэмакратыю ў Беларусі, кажа палітык.
Фота з фэйсбука Барыса Гарэцкага
