Сіноптыкі: у панядзелак без ападкаў, у асобных раёнах замаразкі
6 траўня ў Беларусі будзе невялікая хмарнасць. Уначы і раніцай месцамі слабы туман.
Вецер паўночна-заходні ўмеркаваны, уначы па паўночным усходзе парывісты.
Тэмпература паветра ўначы плюс 2-8 градусаў, у асобных раёнах на глебе замаразкі ад 0 да мінус 2. Удзень паветра прагрэецца да 14-21 градуса цяпла.
У ноч з панядзелка на аўторак (з 6 на 7 траўня) у асобных раёнах краіны на глебе таксама прагназуюцца замаразкі да 0 — мінус 2, інфармуе БЕЛТА са спасылкай на Белгідрамет.