Нацбанк выводзіць з абароту банкноты наміналам 50 рублёў

Такое рашэнне прынята пастановай праўлення Нацыянальнага банка ад 5 верасня 2014 года №560. Тлумачыцца яно немэтазгоднасцю далейшага выкарыстання названых банкнот ў грашовым абарачэнні і мэтай скарачэння дзяржаўных выдаткаў на іх выраб, перадае БЕЛТА. 

Да 1 ліпеня 2015 года банкноты наміналам 50 рублёў павінны прымаць пры ўсіх відах плацяжоў усе суб'екты гаспадарання, у тым ліку і банкі краіны. 

Ад 1 ліпеня 2015-га банкі і суб'екты гаспадарання спыняць выдачу названых банкнот фізічным асобам, у тым ліку ў якасці рэшты. Пры гэтым банкі будуць прымаць банкноты наміналам 50 рублёў ад суб'ектаў гаспадарання да 1 верасня 2015 года. 

Абмяняць 50-рублёвыя банкноты можна будзе без абмежаванняў і без спагнання камісійнага ўзнагароджання ў любой суме, кратнай 100 рублям. Ад 1 ліпеня па 31 снежня 2015-га ўключна гэта можна будзе зрабіць у Нацыянальным банку і банках краіны. А з 1 студзеня па 31 чэрвеня 2016 года ўключна — толькі ў Нацбанку. 

Ад 1 ліпеня 2016-га банкноты наміналам 50 рублёў будуць выключаныя з абарачэння і будуць лічыцца несапраўднымі.

Фота — dom-monet.ru