На збор удзельнікаў тэрабароны на Віцебшчыне збіраюць 250 чалавек
![Настрой у прызваных на збор невясёлы](/sites/default/files/styles/gallery_main/public/2024-09/4433.jpg.webp?itok=9p-5jYa9)
Настрой у прызваных на збор невясёлы / vitvesti.by
На збор удзельнікаў тэрабароны на Віцебшчыне збіраюць 250 чалавек. Гэта — афіцэры, сяржанты і салдаты. Як піша vitvesti.by, тэарэтычныя і практычныя заняткі з імі пройдуць у Віцебску і Аршанскім раёне.
Вучэбны збор пачаўся 10 верасня. На канец месяца прызначана камандна-штабное вучэнне. На ім будуць адпрацоўвацца "пытанні кіравання падначаленымі падраздзяленнямі пры выкананні задач тэрытарыяльнай абароны, вядзенне барацьбы з дыверсійнымі групамі праціўніка, аховы і абароны аб'ектаў", а таксама дзеянні ў выпадку ўвядзення ваеннага становішча.
Настрой у прызваных на збор невясёлы. Яго спрабуюць падняць паказам прапагандысцкіх сюжэтаў.
Падобныя вучэнні ў апошнія гады праходзяць па ўсёй Беларусі. Войскі тэрытарыяльнай абароны склікаюцца толькі ў час вайны або ў перыяд "напружанай ваенна-палітычнай абстаноўкі". Яны маюць дапаможнае значэнне і складаюцца з асоб, якія ўжо адслужылі ў войску і цяпер знаходзяцца ў запасе.
![На збор удзельнікаў тэрабароны на Віцебшчыне збіраюць 250 чалавек](/sites/default/files/styles/default_image_paragraph/public/paragraphs/image/voensbor_18.JPG.webp?itok=U2dZYTYb)
![На збор удзельнікаў тэрабароны на Віцебшчыне збіраюць 250 чалавек](/sites/default/files/styles/default_image_paragraph/public/paragraphs/image/voensbor_15.JPG.webp?itok=5E1ynYX4)
![На збор удзельнікаў тэрабароны на Віцебшчыне збіраюць 250 чалавек](/sites/default/files/styles/default_image_paragraph/public/paragraphs/image/voensbor_07.JPG.webp?itok=Fdxv4EYA)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.