На Заслаўскім вадасховішчы перакулілася лодка з рыбакамі
На Заслаўскім вадасховішчы каля вёскі Лапаровічы перакулілася лодка з двума рыбакамі. Здарэнне адбылося пасля 21-й гадзіны ў чацвер, 29 чэрвеня. Як інфармуе прэс-служба МНС, мужчыны знаходзіліся ў 1,5 км ад берага, былі апранутыя ў выратавальныя камізэлькі, самастойна да яго дабрацца яны не маглі.
Яшчэ да прыбыцця ратавальнікаў мужчына на гідрацыкле выратаваў аднаго з рыбакоў, другога з вады дасталі працаўнікі таварыства па выратаванню на вадзе. Абодва пацярпелыя з’яўляюцца жыхарамі сталіцы. Іх агледзелі медыкі. Патрэбы ў шпіталізацыі мужчын не было.
