На запраўцы "Беларуснафты" паставілі шасціметровага жалезнага сома
У пасёлку Нарач Мядзельскага раёна з'явілася шасціметровая металічная скульптура сома. Дзвюхтонны сом пастаўлены на аўтазапраўцы "Беларуснафты" №17, піша карпаратыўнае выданне neft.by.
Як нагадвае выданне, гэты беларускі курор славіцца акурат рыбнай лоўляй. Таму аматары сэлфі могуць сфатаграфавацца ў ролі рыбакоў з зайздроснай здабычай.
Аўтарам гіганцкай рыбіны стаў прафесійны зваршчык, мастак і ўладальнік творчай майстэрні Уладзімір Канонік. На яе стварэнне спатрэбіўся месяц.
Скульптура зробленая з металічнай арматуры, нержавеючай сталі і выкарыстаных запчастак.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
