На "Забег цвярозасці" ў Мінску выйшла паўтысячы ўдзельнікаў

Больш за 500 чалавек выйші 1 студзеня на "Забег цвярозасці" ў Мінску, паведамляе Міністэрства спорту і турызму.

"Сёння ў Мінску прайшлі рэспубліканскія лёгкаатлетычныя спаборніцтвы. Аматары актыўнага адпачынку прабеглі каля 3 км уздоўж набярэжнай ракі Свіслач", — заяўляюць у спартовым ведамстве.

Такія ж забегі адбыліся і ў іншых гарадах. Напрыклад, у Гродне ў такім забегу ўдзельнічалі 300 чалавек. Яны прабеглі дыстанцыю 4,3 кіламетра. Першыя 100 ўдзельнікаў, якія дабеглі да фінішу, атрымалі памятныя медалі.