Вы тут

На відэа трапіў учынак гродзенца, які ў міліцыі разарваў пратакол

Мужчына заявіў, што з-за слабога зроку не бачыў, які дакумент трымаў у руках / pixabay.com

У Гродне расследуецца крымінальная справа, распачатая па факце пашкоджання афіцыйнага дакумента. Як паведамляе mvd.gov.by, у міліцыі 43-гадовы мясцовы жыхар разарваў пратакол аб адміністрацыйным правапарушэнні, што трапіла на відэа. Ён прыйшоў для азнаямлення з двума пратаколамі, складзенымі на яго, у тым ліку за наўмыснае пашкоджанне маёмасці. У мужчыны быў скандал са сваякамі і падчас яго ён разбіў тэлефон свайго брата.

Калі пачуў пра адказнасць за знішчэнне дакумента, гродзенец заявіў, што з-за слабога зроку не бачыў, што трымаў у руках пратакол. Яму пагражае да 2 гадоў пазбаўлення волі. А за тэлефон яго аштрафавалі на 108 рублёў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.