На тэрыторыі керамічнага завода ў Шумілінскім раёне загарэўся мазут (фота)
![На тэрыторыі керамічнага завода ў Шумілінскім раёне загарэўся мазут (фота)](/sites/default/files/styles/gallery_main/public/2023-08/333a.jpg.webp?itok=ROHrFMJM)
На тэрыторыі керамічнага завода ў Шумілінскім раёне загарэўся мазут. Апёкі 35% цела атрымаў 53-гадовы рабочы. Як інфармуе прэс-служба МНС, здарэнне адбылося пасля 12-й гадзіны ў чацвер, 4 кастрычніка, у гарадскім пасёлку Обаль. Спачатку адбылася ўспышка газапаветранай сумесі ва ўстаноўцы па разагрэве мазута, пасля — выкід і пажар. Адзначаецца, што ўстаноўку арандаваў "Белрэгіёнгаз". Рабочы працуе ў гэтай арганізацыі. Агонь пашкодзіў тэнавую ўстаноўку.
Пацярпелага з апёкамі 1-3 ступені шпіталізавалі. Праводзіцца расследаванне, высвятляюцца прычыны здарэння. Асноўнай версіяй называюць парушэнне тэхналагічнага працэсу.
Фота: 112.by