На судзе мастак Алесь Пушкін парэзаў сабе жывот на знак пратэсту

На судзе мастак Алесь Пушкін парэзаў сабе жывот на знак пратэсту

Мастак Алесь Пушкін на судзе 30 сакавіка парэзаў сабе жывот на знак пратэсту, паведамляе тэлеканал, прызнаны ў Беларусі экстрэмісцкім. Гэта адбылося 25 сакавіка. За гэта палітвязня на 13 дзён адправілі ў карцар.

Працэс над ім прайшоў у Мінскім гарадскім судзе. Мастака вінавацяць у рэабілітацыі нацызму і здзеку з дзяржаўных сімвалаў. За гэта яму прысудзілі 5 гадоў калоніі строгага рэжыму.

Падставай для абвінавачанняў сталі карціны з цыклу Пушкіна "Беларускі супраціў" і перформанс, які ён правёў ва Украіне. Дарэчы, з Украіны мастак у 2021 годзе вярнуўся ў Беларусь, ведаючы, што на яго пачалі крымінальную справу.

Алесь Пушкін знаходзіцца за кратамі роўна год. Яму прапаноўвалі напісаць прашэнне аб памілаванні, але ён адмовіўся. Судовы працэс над мастаком зрабілі закрытым — "з-за звестак, якія з'яўляюцца дзяржаўнай таямніцай".

Паведамляецца, што на судзе затрымалі сястру Пушкіна Святлану, якая хацела сфатаграфаваць брата.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі