На Рэвалюцыйнай паглыбляюць ліўнёўку. Абяцаюць зрабіць да верасня

Па словах інжынера, нават такое рашэнне не гарантуе, што чарговая залева не залье адрамантаваныя вуліцы. У рэканструкцыю якіх, дарэчы, укладзена больш за $1,1 млн.

“На 100% гэта не гарантуе таго, што наступны лівень не пашкодзіць сістэму. З той прычыны, што гэта гарадская праблема — праблема ў калектары. Калектар абваднога характару — “Цэнтр” і “Няміга”. Яны не ўспрымаюць патокі вады”.

Калі скончацца працы на вуліцы, незразумела. “Гэта пошук аптымальных праектных рашэнняў. Гэта не імгненна. На працягу ліпеня, жніўня, да верасня…” — абнадзейвае інжынер “Мінскай спадчыны”.

Падчас патопаў на Рэвалюцыйнай і Камсамольскай пацярпелі офісы, кавярні і салоны прыгажосці. Цяпер каля іх уваходаў стаяць мяшкі з пяском — сапраўдныя барыкады, якія ратуюць ад вялікай вады.