На пажары ў Петрыкаўскім раёне загінула цэлая сям'я
У доме згарэла сям'я: бацька, маці і іх дачка
У ночы на 3 снежня на пажары ў Петрыкаўскім раёне загінула цэлая сям'я. Званок аб узгаранні ў сельскім доме ў аграгарадку Конкавічы паступіў ратавальнікам каля 5:30. Калі яны прыехалі на месца — убачылі катэдж, цалкам ахоплены агнём.
Калі пажар быў патушаны, у згарэлым пакоі пад абломкамі будаўнічых канструкцый былі знойдзеныя целы мужчыны, яго жонкі і іх дачкі. Прычына пажару пакуль не зразумелая.
Беражыце сябе і прытрымвайцеся правіл пажарнай бяспекі.
