На мяжы з Расіяй беларускія ўлады ствараюць восем брацкіх магіл
Улады Беларусі ствараюць восем новых брацкіх магіл. Расійскія праваабаронцы з SOTA звярнулі ўвагу на цікавы тэндар на партале беларускіх дзяржзакупак.
Тэрмін выканання паслугі — з 28 красавіка па 6 траўня. Пслуга называецца "дзяржаўная рэгістрацыя стварэння зямельнага ўчастка для будаўніцтва і абслугоўвання месцаў пахавання (брацкая магіла)".
Усе брацкія пахаванні запланаваныя ў Веткаўскім раёне Гомельскай вобласці — у аграгарадку Неглюбка (4 км ад расійскай мяжы), аграгарадку Хальч (2 пахаванні) аграгарадку Свяцілавічы (2 пахаванні за 10 км ад расійскай мяжы), Шарсцінскім сельсавеце — 3 пахаванні (аграгарадок Навасёлкі на рацэ Прыпяць, тэрыторыя на ўсход ад аграгарадка Шарсцін, і ў самім гарадку)
Нагадаем, што менавіта на тэрыторыі Гомельшчыны неаднаразова былі заўважаныя расійскія войскі, якія нападалі на Украіну. У гомельскіх лякарнях лекавалі расійскіх салдатаў пасля баёў ва Украіне.
Але ці звязаныя гэтыя магілы з расійскімі войскамі, дакладна невядома. Але пра нейкую раптоўную смяротную эпідэмію на Гомельшчыне афіцыйна не паведамлялася.
