На мяжы Беларусі спынілі 1300 кг гераіну
Буйную партыю наркотыку выявілі ў памежным пункце мытнага афармлення "Катлоўка" Астравецкага раёна ў грамадзяніна Кіргізіі.
Як паведамляе "Ежедневник" са спасылкай на Следчы камітэт па Гродзенскай вобласці, аперацыя была праведзеная 9 снежня. Грамадзянін Кіргізіі ехаў транзітам на грузавой аўтамашыне з Кіргізіі ў Літву. Эксперты Дзяржаўнага камітэта судовых экспертыз Беларусі прызналі парашок, які ён вёз, асабліва небяспечным наркатычным сродкам — гераінам.
На перавозчыка пачалі дзве крымінальныя справы — за незаконнае абарачэнне асабліва небяспечнага наркатычнага сродку ў буйным памеры і за кантрабанду. Самога мужчыну ўзялі пад варту.
Справу беларускія праваахоўнікі расследуюць разам з калегамі з Кіргізіі і Літвы.
Фота — fedpress.ru
