На Міністэрства інфармацыі павесілі ланцугі

На Міністэрства інфармацыі павесілі ланцугі

10 снежня каля 10:30 моладзевыя актывісты наклеілі на калоны каля ўваходу ў Міністэрства інфармацыі вялізныя плакаты з цытатай 33-га артыкула Канстытуцыі і 19-га артыкула Усеагульнай дэкларацыі правоў чалавека. У іх гарантуецца свабода меркаванняў і іх выказванне, а манапалізацыя сродкаў масавай інфармацыі і цэнзура не дапускаюцца.

Акрамя таго, маладыя людзі павесілі ланцугі на дзверы міністэрства, піша "Новы час". Уваход у будынак на нейкі час быў заблакаваны. 

Праз хвілін 20 да ўваходу ў міністэрства падбеглі міліцыянты. Яшчэ праз нейкі час прыйшлі слесары, якія перакусілі ланцугі кусачкамі і вызвалілі ўваход. Таксама міліцыянты сарвалі цытаты з Усеагульнай дэкларацыі правоў чалавека і Канстытуцыі.

10 снежня ва ўсім свеце адзначаецца Міжнародны дзень правоў чалавека.

Апошнія навіны

Галоўнае

Выбар рэдакцыі