На "Гродна Азоце" спынялася аддзяленне азотнай кіслаты

07/12/2021 - 14:46

6 снежня на прадпрыемстве "Гродна Азот" спрацавала тэхналагічнае блакаванне. У выніку была прыпыненая праца аддзялення азотнай кіслаты цэха АКіКАС, піша карпаратыўнае выданне "Гродненский химик".

7 снежня аддзяленне ўключылі ў працу. Паведамляецца, што пры гэтым адбылося кароткачасовае павелічэнне ўтрымання NOx у дымавых газах. Газы набылі характэрнае чырвона-бурае адценне.

Падчас правядзення пускавых аперацый вёўся кантроль за якасцю атмасфернага паветра на тэрыторыі і па перыметры прадпрыемства, а таксама на мяжы свабоднай эканамічнай зоны з улікам напрамку ветру.

Пагрозы гораду, экалогіі ды жыхарам няма, заяўляюць на "Гродна Азоце".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.