На Дзень незалежнасці будзе вільготна, халаднавата, месцамі з навальніцамі
У бліжэйшыя суткі, 3 ліпеня, у Беларусі чакаецца хмарнае з праясненнямі надвор’е. На большай частцы тэрыторыі пройдуць кароткачасовыя дажджы, у некаторых раёнах сіноптыкі прагназуюць навальніцы.
Вецер будзе заходні, парывісты.
Тэмпература паветра ўначы складзе 10-15 градусаў цяпла, а ўдзень будзе 16-22 вышэй за нуль, перадае БЕЛТА са спасылкай на Белгідрамет.
