На Брэстчыне затрымалі 22 п'яных матацыклістаў — беларусаў і расіян
Яны ўдзельнічалі ў ХIII міжнародным байк-фестывалі, але былі затрыманыя за кіраванне матацыклам у стане ап'янення.
Сярод парушальнікаў — байкеры з Беларусі і Расіі. У іх дачыненні складзеныя адміністрацыйныя пратаколы. Сярод затрыманых былі і дзве дзяўчыны, чаго ў мінулыя гады не здаралася, паведамляе БелаПАН.
Нагадаем, мотафорум праходзіў днямі ў Брэсце, а таксама на базе аздараўленчага цэнтра "Арляня" ў Жабінкаўскім раёне. У ім узялі ўдзел каля 3 тысяч матацыклістаў з Беларусі, Расіі, Літвы, Латвіі, Эстоніі, Украіны, Нямеччыны, Чэхіі, Галандыі, Швецыі; упершыню — з Грэцыі, Харватыі і Італіі.
