На беларуска-літоўскай мяжы затрымалі 20 тон сернай кіслаты
Праз пункт пропуску "Каменны Лог" расійскі перавозчык хацеў даставіць кіслату ў Калінінградскую вобласць.
Як адзначае БЕЛТА, паводле рашэння Калегіі Еўразійскай эканамічнай камісіі гэты тавар з'яўляецца абмежаваным да ўвозу і вывазу на мытную тэрыторыю Мытнага саюза. Да таго ж, серная кіслата паводле пастановы Мінздароўя Беларусі ўключаная ў спіс прэкурсораў наркатычных сродкаў і псіхатропных рэчываў.
Паведамляецца, што кіслата прызначалася для вырабу аўтамабільных акумулятараў. Затрыманы небяспечны груз папярэдне ацэнены ў 33 мільёны рублёў.
Фота — mk.ru