На акцыі супраць мабілізацыі ў Махачкале затрымалі 150 чалавек
Акцыя ў Махачкале / kavkaz-uzel.eu
На мітынгу супраць мабілізацыі, які прайшоў у Махачкале 26 верасня, было затрымана не менш за 150 чалавек. Столькі было дастаўлена ў аддзел паліцыі па Савецкім раёне Махачкалы, піша "Кавказский узел".
Дагестан стаў адным з асноўных цэнтраў супраціву мабілізацыі ў Расіі. Як распавядала Еўрарадыё, 26 верасня акцыі пратэсту адбыліся ў Махачкале і Хасавюрце. У Махачкале адбылася масавая бойка з сілавікамі.
Паведамляецца, што палову затрыманых у Махачкале адпусцілі. Астатнія прабудуць пад вартай да суда, які прызначаны на 28 верасня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.