МЗС: Бязвізавы рэжым для грамадзян 80 краін пачне дзейнічаць 12 лютага
Сёння апублікаваны адпаведны ўказ кіраўніка дзяржавы, які ўступіць у сілу праз месяц.
11 студзеня на Нацыянальным прававым інтэрнэт-партале быў афіцыйна апублікаваны ўказ Аляксандра Лукашэнкі № 8 "Аб устанаўленні бязвізавага парадку ўезду і выезду замежных грамадзян". Ён уводзіць пяцідзённы бязвізавы рэжым для грамадзян 80 краін, у тым ліку для ўсіх краін Еўрасаюза (замежнікі мусяць прыбываць у нашу краіну праз Нацыянальны аэрапорт Мінск). Як інфармуе прэс-служба МЗС Беларусі, 5-дзённы бязвізавы рэжым уезду ў нашу краіну пачне дзейнічаць з нядзелі, 12 лютага 2017 года. Раней меркавалася, што ўказ набудзе сілу 11 лютага.
5-дневный безвизовый режим въезда в #Беларусь вступает в силу с 12 февраля 2017 года https://t.co/ui7UfCg4RH pic.twitter.com/OEJqEvdnm2
— МИД Беларуси (@BelarusMID) 11 января 2017 г.