МЗС Беларусі прапануе Еўрасаюзу скараціць час на перасячэнне мяжы
Беларуь прапануе Еўрасаюзу скараціць час на перасячэнне мяжы грамадзянамі і таварамі. Для гэтага трэба выпрацаваць адмысловы "памежны пакет" Усходняга партнёрства, які ўключыць комплекс адпаведных інфраструктурных, нарматыўных і працэдурных мерапрыемстваў.
Адпаведную інцыятыву агучыў 4 кастрычніка намеснік міністра замежных спраў Алег Краўчанка на структураваных кансультацыях Беларусь — ЕС. Іх арганізавала ў Мінску Прадстаўніцтва ЕС. Мерапрыемства прысвячалася перспектывам ініцыятывы Усходняе партнёрства пасля 2020 года, інфармуе прэс-служба МЗС.
Краўчанка прапанаваў зрабіць тэхналагічныя інавацыі новым прыярытэтам ўзаемадзеяння ў рамках Усходняга партнёрства. У сваім выступе ён выказаўся за пашыранае ўключэнне прадпрыемстваў краін, якія ўваходзяць ва Усходняе партнёрства, у вытворчыя ланцужкі еўрасаюзаўскіх кампаній.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.