Мясніковіч прапанаваў увесці падатковую аўтаномію рэгіёнаў у Беларусі
Па яго словах, такую ідэю падтрымліваюць і дэпутаты Палаты прадстаўнікоў, і чальцы Савета Рэспублікі.
Для рэгіёнаў Беларусі трэба ўвесці падатковую аўтаномію. Такую ідэю агучыў старшыня Савета Рэспублікі Міхаіл Мясніковіч на дакладзе Аляксандру Лукашэнку 21 лістапада, перадае БЕЛТА.
Мясніковіч запэўніў, што гэтую ідэю падтрымліваюць і дэпутаты Палаты прадстаўнікоў, і чальцы Савета Рэспублікі.
"У абласцей мусяць быць заканадаўчыя гарантыі, што звышпланавыя даходы мясцовых бюджэтаў не абумовяць адпаведнае зніжэнне планавых датацый з рэспубліканскага бюджэту. Тэма не новая, але рашэнні не прынятыя. Ніякіх пагроз рэспубліканскім інтарэсам такая прапанову не нясе, а стымулы рэгіёнам дасць адназначныя", — патлумачыў сваю пазіцыю старшыня Савета Рэспублікі.
Ён лічыць, што актуальнасць гэтай прапановы ўзрастае. "На 2018 год па асноўных падатковых даходах, а гэта падаткі на тавары і паслугі, якія складаюць ільвіную долю ад сукупных даходаў, мясцовым бюджэтам прапануецца пакінуць крыху ніжэй, чым у 2017 годзе", — дадаў Мясніковіч.