Музыку Уладзіслава Плюшчава асудзілі на тры гады калоніі
Уладзіслаў Плюшчаў / @by_culture
На гэты раз яго прызналі вінаватым па трох артыкулах Крымінальнага кодэкса.
Музыку Уладзіслава Плюшчава асудзілі на тры гады калоніі. На гэты раз яго прызналі вінаватым па трох артыкулах Крымінальнага кодэкса: у "абразе прадстаўніка ўлады", "паклёпе" і "незаконных дзеяннях у дачыненні да інфармацыі аб прыватным жыцці і персанальных даных". Крымінальную справу гітарыста "Крамбамбулі" і Pomidor/off разглядаў суд Фрунзенскага раёна Мінска (суддзя — Андрэй Млечка). Плюшчаву таксама прызначылі штраф — 9600 рублёў, піша @viasna96.
У пачатку жніўня Уладзіслава Плюшчава асудзілі на два гады калоніі агульнага рэжыму і штраф — 6400 рублёў. Тады яго прызналі вінаватым у "публічнай абразе прадстаўніка ўлады", "публічнай абразе гонару і годнасці" і "незаконным зборы інфармацыі аб прыватным жыцці". У музыкі канфіскавалі аўтамабіль.
Плюшчаў за кратамі з красавіка 2022 года. Беларускія праваабаронцы прызналі яго палітвязнем.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.